Kthimi i Erionit Abazit nga Siria, përveç nga e ëma Pranvera po kërkohet edhe nga shumë kosovarë.

Në rrjetin social Facebook tashmë është krijuar një faqe, në të cilin kërkohet kthimi i 8 vjeçarit Erion Abazi, të cilin para disa javësh, pa dijeninë se së ëmës, e mori me vete në Siri i ati Arbeni.

Në këtë faqe janë postuar disa fotografi të Erionit të vogël në periudha të ndryshme kohore, si dhe disa foto të ditëlindjes së tij të 8-të.

“Kjo faqe ka vetëm një mesazh, të bashkojmë nënën Pranvera Abazi – Zena me djalin Erion Zena. Të gjithë ju që kujdeseni për të në Siri, ju lutemi si familje dhe ju përgjërohemi që të na ndihmoni qe t’ia kthejmë nënës, Pranverës djalin Erionin! Erioni ndodhet në Siri pa lejen e nënës, Pranverës! Prandaj, ju të gjithë që keni ndonjë informatë për Erionin të na lajmëroni sa më parë që është e mundur!”, shkruan në faqen e Facebookut.