Një turist amerikan, i cili ishte për vizitë në Vjenë të Austrisë, zbuloi një pajisje ilegale, e cila ishte vendosur në bankomatin e njërës nga bankat austriake në sheshin “Stephanplatz”, në qendër të Vjenës.

Sipas mediave austriake, përcjell albinfo.ch, pajisja dyshohet se ishte vendosur nga dikush për të vjedhur detajet e kartelës së bankës.

Turisti këtë mashtrim e zbuloi derisa dëshironte të tërhiqte para nga bankomati.

Pajisja ishte thuajse identike, por dyshimi i turistit erdhi pasi që ajo ishte e papastër.

Pasi e ka zbuluar këtë mashtrim, ai e ka hedhur në youtube, e cila deri më tash ka marrë miliona klikime.

Mediat rekomandojnë qytetarët që të kontrollojnë bankomatin para se të fusin kartelën e tyre.

Ndërsa, po qe se gjeni ndonjë manipulim të tillë, të lajmëroni menjëherë policinë.