Mbrëmë rreth orës 23:30 në rrugën “Elena Gjika”, përballë Market “Mentori” në Ferizaj, ka ndodhur një plagosje me armë zjarri.

Policia ka dalë në vendin e ngjarjes dhe po merret me rastin derisa ka rrethuar vendin ku ka ndodhur kjo ngjarje.

Rastin e ka konfirmuar edhe togeri i policisë Agim Gashi.

“Ka ndodhur një plagosje me armë zjarri me ç’rast është plagosur një qytetar. I plagosuri është dërguar në QKUK”, tha Agim Gashi, transmeton FerizajPress.

Për identitetin e të plagosurit dhe arsyet e kësaj ngjarje, Gashi tha se policia do të dalë me komunikatë sapo të përfundojnë hetimet rreth rastit.