Mesfushori kosovar, Argjend Malaj pritet të largohet nga skuadra e tij aktuale Tirana.

Pasi i ka skaduar kontrata me skuadrën nga kryeqyteti shqiptar, Malaj nuk ka pranuar vazhdimin e saj.

Ai ka disa oferta të mira nga kategoria superiore e Shqipërisë më saktësisht nga Kukësi dhe Skënderbeu.

Por lojtari nga Obiliqi nuk ka vendosur ende për të ardhmen e tij.

Mesfushori i talentuar ka një ofertë nga kampionati kroat ku po kërkohet nga skuadra NK Osijek.

Osijek është pjesë e elitës së futbollit kroat dhe zyrtarizimi i Malajt tek kjo skuadër pritet të bëhet gjatë kësaj jave. /Telegrafi/