Në shikim të parë duket si një pamje simpatike, ku një vajzë e vogël mbanë balancën mbi guaskën e tualetit.

Kur e ka parë vajzën e saj duke qëndruar kështu, Stacey Wehrman Feeley ka shkrepur një fotografi dhe ka dashur t’ia dërgojë burrit, por me të kuptuar arsyen ajo është shtangur, transmeton Telegrafi.

Chadler, trevjeçare nga Miçigani i Shteteve të Bashkuara, ka thënë se po ushtrohej, në rast se në shkollë të saj hynë ndonjë keqbërës për të shtënë me armë.

“Ajo po praktikonte se si mund të shpëtonte, nëse duhet të mbyllet në tualet, po që se dikush shtie me armë në shkollë”, ka shkruar nëna saj në Facebook, duke kërkuar të bëhet më shumë, kundër sulmeve në shkolla. /Telegrafi/