Në dokumentarin e shkurtër që është postuar më poshtë, mund të shihni një pjesë të Shteteve të Bashkuara, që dikur ishte shumë e ndërtuar dhe e zhvilluar, por që tani është lënë e harruar në kohë.

Seph Lawles ka vizituar këto vende që ndodhen kryesisht në Pensilvani dhe Ohio, që tani janë të braktisura dhe të lëna pa asnjë kujdes, transmeton Telegrafi.

Ky vend dikur ishte qendër e përpunimit të metalit, me rënien e prodhimit, janë boshatisur uzinat dhe me kalimin e kohës edhe dyqanet e shtëpitë.

Në filmimet që ka bërë fotoreporteri Lawles, shihen fabrika që dikur punësonin qindra punëtorë, qendra tregtare pa asnjë shitës apo blerës, si dhe shtëpi që nuk ka asnjë banorë.

Shikoni videon e publikuar, se si i ka mbuluar ndryshku makinat, kurse bora ka rënë brenda godinës që do duhej të ishte përplot me njerëz. /Telegrafi/