Pamjet e tmerrshme që shfaqin momentin kur një burrë qëllohet për vdekje gjatë transmetimit të drejtpërdrejt në Facebook, janë shfaqur në internet.

Antonio Perkins 28-vjeç, ishte duke raportuar drejtpërdrejt nga parku ku kishte qenë së bashku me dy nga tre fëmijët e tij dhe një grup miqsh, kur papritmas filluan disa shtëna me armë ku një plumb e qëllon dhe shihet duke u rrëzuar në tokë, transmeton Telegrafi.

Në video dëgjohet Perkins, duke i thënë dikujt mëtanë rrugë “si je?” kur pas disa sekondave goditet nga një plumb në kokë.

Në fillim të videos dyminutëshe të realizuar në North Lawndale të Çikagos, viktima shihet duke u thënë miqve se është i pashëm. /Telegrafi/