Përmes një kumtese, Qendra për punë sociale e Kërçovës, në bashkërendim me Ministrinë për punë dhe politika sociale (MPPS), thërret të gjithë shfrytëzuesit e ndihmës sociale, shtesave të posaçme, shtesave për fëmijë, shtesave pridnore, si edhe fëmijët pa prindër dhe pa përkujdesje prindërore, që të paraqiten për shfrytëzimin e shërbimit falas për pushim dhe rekreacion të fëmijëve të tyre, transmeton Telegrafi Maqedoni.

Kjo mundësi mund të shfrytëzohet gjatë këtij pushimi veror, në periudhë prej shtatë ditësh, ndërkaq të interesuarit duhet që të dorëzojnë kërkesë deri te qendra për punë sociale. Të gjithë ata që kanë fëmijë të lindur nga viti 2001 deri në vitin 2006, mund të aplikojnë.