Trupat e 34 personave, në mesin e tyre 20 fëmijë, janë gjetur të vdekur në një shkretëtirë në Niger.
Zyrtarët thanë se viktimat janë emigrantë, që kanë qenë duke udhëtuar me shpresën për të arritur në Algjeri ose Evropë.
Ministria e Brendshme e Nigerit tha se viktimat, me sa duket, kanë pësuar nga etja, pasi janë braktisur në mes të shkretëtirës nga trafikuesit.
Kombësia e viktimave nuk është bërë ende e ditur, transmeton Rel. Organizata Ndërkombëtare për Migrim thotë se migrimi nga Afrika sub-sahariane drejt Evropës është “rritur ndjeshëm” në vitet e fundit.
