Ish-mbrojtësi italian, Gianluca Zambrotta, e ka lëvduar lojën ekiporë të Azzurrëve pas fitores ndaj Belgjikës.

Italia nuk konsiderohet favorite në këtë Evropian për shkak të ndryshimeve të mëdha në skuadër, mirëpo të zgjedhurit e Antonio Contes arritën të triumfojnë me rezultat 2-0.

“Belgjika ka shumë cilësi, por ata bazohen shumë në lojtarët individualë. Italia luajti si grup, vuajti, por njëkohësisht krijoi shumë mundësi dhe luajti mirë”.

“Mbrojtja e Juves garantoi qëndrueshmëri, por të gjithë bënë punë të shkëlqyer. Ky grup mund të bëjë diçka të kënaqshme”, citon La Gazzetta dello Sport fjalët e ish-lojtarit të Juventusit dhe Barcelonës. /Telegrafi/