Venezuela është duke përjetuar një nga momentet më të këqija në historinë e saj. Inflacioni po rritet me shpejtësi të rrezikshme, rrymë ka vetëm për dy ditë, dhe njerëzit janë të uritur.

Ish klasa e mesme, të cilët përbënin shumicën e popullsisë së Venezuelës, tani gërmojnë në kontejnerë në rrugët e Karakasit, duke kërkuar ndërmjet frutave të kalbura dhe mbeturinave, me shpresa për të gjetur ndonjë ushqim të ngrënshëm, transmeton Telegrafi.

Tre vakte në ditë janë dukuri gjithnjë e më e pazakonshme në vendin e shkatërruar ekonomikisht, dhe të vetmit që kanë një lloj të mundësisë për të blerë ushqime, janë banorët e rajoneve kufitare, të cilët ushqimet i marrin nga Kolumbia fqinje.

“Ne jetonim si njerëz, me kokën lartë. Sot nuk kemi para as për një vakt, e lëre më tri. Na duhet të gjendemi disi, kërkojmë në mbeturina”, ka thënë Pedro Hernandez, një mësues nga Caracas.

Venezuela është një vend që ka rezervat më të mëdha të naftës në botë.

Presidenti i ndjerë Hugo Chavez, kishte vendosur një bazë të shëndoshë të shtetit, duke u krijuar njerëzve një jetë të mirë, përcjell Telegrafi.

Pas vdekjes së Chavez në vitin 2013, në krye të shtetit erdhi në truproja i tij Nicolas Maduro, i cili ka tentuar që të vazhdojë me politikën e kryer nga “El Presidente”.

Megjithatë, një rënie e madhe në çmimet e naftës, nga të cilat shitje është e varur e gjithë ekonomia e Venezuelës, janë dëmtuar themelet e Chavez.

Me gërshetim të faktorëve të ndryshëm të cilët kanë për qëllim ndryshimin e pushtetit në Venezuelë, por edhe për shkak të mungesës së jetesës, situata në Venezuelë është shndërruar në kaos, dhe qytetarët gjithnjë e më të dëshpëruar janë duke kërkuar shkarkimin e Madura dhe ardhjen e “opozitës demokratike” në udhëheqjen e vendit. /Telegrafi/