Është mbyllur dje në stadiumin “Elbasan Arena” Kampionati Kombëtar i Atletikës për të rritur, një aktivitet që mblodhi atletët më të mirë nga Shqipëria e Kosova. Në dy ditë gara vetëm një rekord kombëtar, ai i Izmir Smajlaj në 3-hapësh, që kërceu 16.30 metra. Pikërisht shkodrani u shpall edhe atleti më i mirë për meshkuj, ndërsa për femra këtë vlerësim e mori atletja Luiza Gega e Tiranës.
Jo vetëm kaq, por ekipet e Vllaznisë për meshkuj dhe Tiranës për femra u shpallën edhe skuadrat kampione të këtij vitit në atletikë, duke u rikonfirmuar. Sipas Federatës së Atletikës, në kampionat morën pjesë 10 ekipe , me 214 sportistë në total, nga Shqipëria e Kosova, transmeton Telesport.
