Një video e tmerrshme po qarkullon në internet, ku shfaq momentin kur një nxënës goditet me shkelm në kokë nga një bashkëmoshatar i cili pas disa sekondave e nokauton.
Videoja është filmuar në një shkollë të mesme në Zelandë të Re, e cila tashmë është duke u studiuar dhe analizuar nga policët, të cilën ishin informuar nga profesorët lidhur me sulmin brutal, transmeton Telegrafi.
Në videon 20 sekondëshe të postuar në internet, mund të shihet se si dy nxënës të shkollës së mesme Waitaki në Oamaru, përleshen në oborr të shkollës.
Por është interesant fakti se si derisa ata rrihen, djelmoshat tjerë që qëndrojnë anash, dëgjohen duke i inkurajuar dyshen të vazhdojnë ‘luftën’ e tyre. /Telegrafi/
