Kryeministri i Kosovës, Isa Mustafa të dielën e ka vizituar qytetin e Ferizajt, por dita kur do të shkojë edhe në qytetet veriore të Kosovës, nuk do të jetë e largët.

Të paktën kështu tha kryeministri Mustafa, edhe pse nuk dha ndonjë datë të saktë se kur do të ndodhë kjo, njofton Klan Kosova.

Bile, ashtu si në Ferizaj ku ai përuroi dy projekte në komunën Ferizajt, atë të rrugës në fshatin Dardani dhe atë të shtratit të lumit Nerodime, Mustafa tha se do të shkojë edhe në veri të vendit për përurimin e disa projekteve të përkrahura nga qeveria e tij.

Me këtë rast, kreu i ekzekutivit foli edhe për riformatim të kabinetit të tij, ku paralajmëroi mundësi të ndërrimit të ministrave, pos atyre që u bënë javën e kaluar.