Policia e Kosovës ka arrestuar personin i cili dyshohet t’i ketë sulmuar dhe therur me thikë dy të tjerë gjatë mbrëmjes së djeshme në Sheshin “Nënë Tereza” në Prishtinë.
Siç mësohet, tre të dyshuar janë përleshur në mes vete dhe gjatë përleshjes kishin përdorur mjete thika.
“Dy nga të dyshuarit kanë pësuar lëndime trupore dhe janë dërguar në QKUK për tretman mjekësor, ndërsa i dyshuari tjetër është arrestuar”, njofton Policia e Kosovës.
Me urdhër të prokurorit ndaj tre të dyshuarve është dhënë urdhër mbi ndalimin e personave në mbajtje. Njësitet policore i janë përgjigjur vendit të ngjarjes dhe janë duke hetuar rastin.
