Kombëtarja jonë Shpresa nuk ka arritur të shkojë më shumë se një barazim në ndeshjen e saj miqësore ndaj homologëve çekë. Ndeshja mes dy skuadrave u mbyll me shifrat 1-1 teksa kuqezinjtë e drejtuar nga Redi Jupi zhvilluan një ndeshje mjaft të mirë.

Goli për skuadrën tonë  u shënua nga  Myrto Uzuni i cili gjeti edhe golin e parë me fanellën kuqezi.

Ndërkohë në këtë ndeshje ka debutuar zyrtarisht edhe talenti tjetër që luan në Kroaci, Eros Grezda. Ai ka qenë një prej më të mirëve në fushë duke treguar qartë aftësitë e tij. Brënda pak ditësh do të zhvillohet një tjetër miqësore mes Shqipërisë U21 dhe Çekisë U21, ndeshje e cila i shërben trajnerit Jupi për të konsoliduar grupin e lojtarëve. /shqiperiaime.al