Pasi ka siguruar pjesëmarrjen në Ligën e Kampionëve, Manchester City synon të përforcohet tani.
Sipas raporteve të fundit nga Gjermania, trajneri i ri i Cityt, Pep Guardiola e dëshiron me çdo kusht talentin gjerman, Leroy Sane.
E përditshmja ‘Manchester Evening News’, ka shkruar se drejtuesit e Cityt kanë filluar negociatat me klubin gjerman Schalke 04 për talentin e tyre.
20-vjeçari ka udhëhequr Schalken këtë edicion duke e dërguar në pozitën e pestë, pozitë që i siguron pjesëmarrjen në Ligën e Evropës.
Për ta bërë të vetin sulmuesin anësor, skuadra e kaltër nga Manchesteri pritet t’i ofrojë rreth 50 milionë euro. /Telegrafi/
