Kryeministri i Kosovës, Isa Mustafa përmes një postimi në Facebook, i ka shprehur mirënjohje të përjetshme institucioneve dhe popullit të SHBA-ve për përkrahjen e jashtëzakonshme që po japin për Kosovën.

Reagimi i kryeministrit vjen pasi ambasadorja e Kosovës në SHBA Vlora Çitaku ka njoftuar për vendimin e Kongresit Amerikan që Administrata Amerikane të punojë me Republikën e Kosovës për ta përgatitur për hyrjen në Programin e Partneritetin për Paqe, në kuadër të NATO-s.

Postimi i Mustafës në Facebook:

“Të nderuar miq,
Ambasada e Republikës së Kosovës në Washington më ka informuar sot se Kongresi Amerikan në kuadër të Defense Authorization Act, mbrëmë i ka bërë thirrje Administratës Amerikane “që të punojë me Republikën e Kosovës për ta përgatitur për hyrje në Programin e Partneritetit për Paqe (PfP), në kuadër të NATO-s.

Mirënjohje e përjetshme institucioneve dhe popullit të SHBA-ve për përkrahjen e jashtëzakonshme që po japin për Kosovën.

Krenar me miqësinë e Kosovës me SHBA-të. IM” (sic), ka shkruar Mustafa.