Leicester City është kampione e re e Anglisë, mirëpo mund t’i humbë lojtarët e saj kryesor.

Futbollisti më i mirë i vitit, Riyad Mahrez dhe N’Golo Kante janë bërë objektiva të shumë skuadrave të mëdha evropiane.

Por duket se Arsenali ka reaguar më shpejtë për transferimin e dy futbollistëve në fjalë.

Gjiganti londinez, Arsenal ka dërguar një ofertë të majme në drejtim të kampionit anglez për dyshen Mahrez-Kante.

Sipas asaj që ka shkruar ‘France Football’, Arsenal ka ofruar 60 milionë funte për të dy lojtarët.

Leicester ende nuk ka dhënë ndonjë përgjigje zyrtare, mirëpo besohet se në rast do të refuzohet kjo ofertë, ‘Topçinjtë’, do ta ngritin atë edhe për 15 milionë të tjerë. /Telegrafi/