(E plotësuar) Shoqata e prodhuesve dhe përpunuesve të qumështit kanë mbajtur sot protestën e tyre të tretë, pranë Qeverisë së Kosovës të cilët përsëri derdhën disa litra qumësht në oborrin e qeverisë.

Kryetari i përpunuesve të qumështit, Ramadan Memaj bëri të ditur dhe një herë se kërkesat e tyre janë heqja produktet që nuk kanë përmbajtje shtazore por kanë përmbajtje bimore, e shiten si produkte me përmbajtje shtazore, të mbrohet industria e qumështit nga konkurrenca jolojale dhe të hiqen nga tregu produktet e dyshimta.

Ndërsa, Agim Ramadani, kryetar i Shoqatës së Prodhuesve të Qumështit tha se Qeveria e Kosovës duhet t’i rregullojë problematikat me të cilat prodhuesit po përballen, mos futjen e produkteve ilegale në shtetin e Kosovës.

Ai tha se ata janë duke prodhuar sasi dhe cilësi shumë të mirë. Në këtë protestë pjesëmarrës ishin rreth 200 prodhues dhe përpunues të qumështit./Telegrafi/.