Të gjithë prindërit e lagjes Mati 1 në Prishtinë, do të kenë mundësi që vetë të zgjedhin Këshillin e Çerdhes, kjo pasi që komuna e Prishtinës do të organizojë nesër procesin e votimit për këtë zgjedhje.

Kjo është hera e parë që prindërit do të kenë mundësi të zgjedhin këshillin e çerdhes ku shkojnë fëmijët e tyre. Procesi i votimit do të ndodhë nesër nga ora 17:00 deri në ora 20:00, në shkollën fillore “Mitrush Kuteli”.

E të drejtë pjesëmarrje kanë të gjithë ata prindër që kanë fëmijët nën moshën 6 vjeçare.

Prindërit do të votojnë sipas procedurës, një prind një votë.

“Komuna e Prishtinës fton të gjithë prindërit e lagjes Mati, që të dalin nesër të votojnë për zgjedhjen e anëtarëve të këshillit. Prindërit duhet të kenë me vete një dokument identifikimi, një dokument që vërteton se prindi është banor i lagjes (faturë e rrymës, ujit, pronës apo kontratën e banesës apo shtëpisë) dhe dokument (certifikatë/vërtetim) që vërteton moshën e secilit fëmijë. Të gjitha dokumentet duhet të jenë valide, të lëshuara nga institucionet përkatëse”, njofton Komuna e Prishtinës.