Grupi Alibaba ka refuzuar të komentojë rreth spekulimeve të fundit se themeluesi Jack Ma, sëbashku me një grup të investitorëve është duke u përpjekur për ta blerë Milanin.

Mediat italiane sot kanë raportuar se Ma, i cili është njeriu më i pasur në Kinë, është në krye të grupit kinez që po negocion me presidentin e Milanit, Silvio Berlusconin.

ANSA afrua zyrën e marrëdhënieve publike të degës Evropian Alibaba-së për një koment këtë mëngjes, por ata nuk pranuan të përgjigjen, transmeton Telegrafi.

Kompania Fininvest, e cila merret me financat e klubit italian, ka refuzuar të komentojë raportimet duke pohuar se ka një marrëveshje mirëbesimi mes tyre dhe Milanit.

Sipas revistës Forbes, Ma ka një pasuri prej 24.1 miliardë dollarësh dhe është personi i 18 më i pasur në botë. /Telegrafi/