Liverpooli është pranë transferimit të Alberto Morenos nga kampioni i Europa League, Sevilla.

Dy klubet kanë arritur marrëveshje për çmimin e mbrojtësit të majtë dhe ai pritet të kalojë në Anfield gjatë këtij muaji.

Klubit anglez i është thënë se mund të sigurojë shërbimet e 22-vjeçarit me kusht që të paguajë çmimin e kërkuar nga klubi spanjoll (që nuk është bërë publik).

Liverpooli e ka ndjekur këtë lojtar qe një kohë, mirëpo para dy javësh bisedimet kishin ngecur.

Por tash duket se gjërat janë qartësuar dhe Moreno nga sezoni i ardhshëm do të luajë në Ligën Premier. /Telegrafi/