Edhe pse po afron fundi i sezonit, Manchester Unitedi akoma nuk e ka zgjidhur çështjen e trajnerit për sezonin e ardhshëm.

Spekulohet se Louis van Gaalit do t’i tregohet dera, ndërsa vendin e tij do ta zë Jose Mourinho. Mirëpo, akoma gjithçka është në suaza të spekulimeve dhe ekspertët e sportit japin sugjerimet e tyre.

Sipas tyre, portugezi nuk është njeriu i duhur për të marrë drejtimin e skuadrës nga Old Trafford. Ata e këshillojnë klubin anglez që ta angazhojë dikë tjetër.

Ai quhet Diego Simeone, trajneri aktual i Atletico Madridit. Njeriu, i cili drejton një skuadër jo të fuqishme financiarisht, ndërsa ka arritur të konkurrojë me dy gjigantët, Barcelona dhe Real Madrid.

Objektivi i menaxherit të ri do të jetë: Ta bëjë Unitedin sërish klubin numër një në Angli dhe pastaj të bëhet fuqi edhe në Evropë. /Telegrafi/