Sulmuesi i PSG, Zlatan Ibrahimovic, ka mohuar spekulimet se ai dëshiron të rikthehet te Juventusi.
Ish-trajneri dhe mentori i Ibras kur ai ishte ende fëmijë, Stefan Hansson, tha javën e kaluar se suedezi dëshiron të rikthehet në Torino.
“Një person me emrin Stefan Hansson ka folur për mua në media. Dua të qartësoj se unë nuk e njoh personin në fjalë, kurrë nuk e kam pasur atë trajner, kurrë nuk e kam takuar, e aq më pak të flas përmes Skype”.
“Normalisht, kurrë nuk komentoj për këto të dhëna, por për shkak të deklaratave të tij kjo ka qenë përjashtim. Ndjehem i obliguar”.
“Kam gjëra më të rëndësishme në të cilat duhet të fokusohem”, ka thënë Ibra. /Telegrafi/
