Juan Mata thotë se tashmë është përshtatur mirë te Manchester Unitedi, para fillimit të sezonit të ri.

Mesfushori spanjoll u transferua në Old Trafford në muajin janar nga Chelsea, ndërsa edicioni i kaluar ishte zhgënjyes për Djajtë e Kuq.

Ai ka thënë për manutd.com se bashkëlojtarët i kanë ndihmuar shumë që muajt e parë të jenë të lehtë në skuadrën e re.

“Në momente të caktuara në sezonin e kaluar kishte momente të vështira për të gjithë, por unë gjithmonë përpiqesha ta bëj atë që bëj gjithmonë, të shënoj gola dhe të krijoj raste”.

“Shënova gjashtë gola në edicionin e kaluar dhe shpresoj që ta bëj më shpesh në këtë sezon”, ka deklaruar Mata. /Telegrafi/