Cristiano Ronaldo aktualisht është golashënuesi më i mirë në historinë e Ligës së Kampionëve.

Lojtari portugez ka statistika dhe rekorde absolutisht të pabesueshme në këtë garë prestigjioze evropiane për klube.

Sulmuesi i Real Madridit deri më tani ka realizuar 90 gola në ligat evropiane, Ligën e Kampionëve dhe Ligën e Evropës, transmeton Telegrafi.

CR7 gjithashtu udhëheq listën e golashënuesve me më së shumti gola në fazën e grupeve të Ligës së Kampionëve, ku ka realizuar 11 gola.

Ndërsa ka një hat-trik më pak se argjentinasi i Barcelonës, Lionel Messi, gjegjësisht ka katër tregolësha.

Vlen të theksohet se këtë vit, Ronaldo deri më tani ka shënuar 13 gola dhe prin në listë para Luis Suarezit, i cili është autor i tetë golave. /Telegrafi/