Lideri i Aleancës për Ardhmërinë e Kosovës, Ramush Haradinaj, thotë se shumica qeveritare në Kosovë i kanë marrë votat për ta qeverisur vendin dhe jo për ta cenuar atë.

Haradinaj thotë se kjo shumicë, numrat në Kuvend i ka shndërruar në instrument për paprekshmërinë e vetvetes.

Në një shkrim të postuar në Facebook, kreu i AAK-së thotë se vendi nuk mund të vazhdojë të drejtohet më nga kjo qeveri.

Ky është shkrimi i plotë i Haradinajt:

“Shumica qeveritare në Kosovë, në vend që numrat në Kuvend t’i shfrytëzojë për paprekshmërinë e shtetit, ata këta numra i kanë shndërruar në instrument për paprekshmërinë e vet!

Përtej kësaj ata i kanë futur duart në shtet, në territor dhe në rend kushtetues dhe prandaj nuk mund ta drejtojnë më këtë vend!

Ata nuk kanë marrë votë për ta cënuar shtetin por për ta qeverisur atë!”, ka shkruar ai.