Mediat britanike raportojnë se Manchester Unitedi ka ofruar 70 milionë euro për shërbimet e Angel Di Marias.

Gjatë këtij afati kalimtar është spekuluar shumë se anësori argjentinas do të largohet nga Santiago Bernabeu, ndërsa Djajtë e Kuq dhe Paris Saint-Germaini kanë luftuar për nënshkrimin e tij.

Mirëpo, kampioni i Francës duket se është tërhequr për shkak të çmimit të lartë.

Duke qenë i vetëm në garë për transferimin e Di Marias, Unitedi ka bërë një ofertë të lartë për të bindur shefat e Realit për të arritur marrëveshje.

Trajneri Carlo Ancelotti është duke e planifikuar skuadrën e Los Blancos pa argjentinasin në formacion. /Telegrafi/