Videoja interesante është publikuar në ditën e gënjeshtrave (1 prill), por forcat e rendit insistojnë se nuk bëhet fjalë për ndonjë shaka, transmeton Telegrafi.

Një grup prej 30 fëmijëve dhe të rriturve ishin duke marrë pjesë në ceremoninë e Pashkëve në Capel, Surrey, kur e kuptuan se forcat ajrore të policisë po fluturonin me helikopter mbi kokat e tyre.

“Fillimisht prania e helikopterit të policisë dukej se po argëtonte fëmijët dhe prindërit, por banorët lokal shumë shpejt e kuptuan se janë dëshmitarë të një ndjekjeje policore në komunitetin e tyre të qetë”, ka deklaruar zëdhënësi i policisë.

“Fëmijët menjëherë reaguan duke krijuar formën e shigjetës më trupat e tyre duke u shtrirë në mes të arave, në mënyrë që të udhëzojnë helikopterin se në cilin drejtim kishin ikur hajnat”, ka shtuar zëdhënësi.

Por brenda pak minutave, është raportuar se policia kishte arrestuar dy personat e kërkuar për vjedhje. /Telegrafi/