Një video aspak e këndshme ka tronditur opinionin anglez, në të cilën shihet një burrë duke e goditur një grua që vuan nga skleroza e shumëfishtë,  duke e nokautuar në tokë pas një zënke që dyshja kishin pasur në parking.

Policia është duke e kërkuar burrin që i theu nofullën 49-vjeçares Heather Smith, e cila i kishte thënë sulmuesit se nuk mund ta parkojë veturën para lokalit të saj në Hounslow të Londrës, transmeton Telegrafi.

Burri i cili nuk është identifikuar, goditi pa kurrfarë paralajmërimi gruan para lokalit të saj, derisa besohet se ai është rreth të 20-ve dhe aktualisht është në arrati. /Telegrafi/