Nga dita e nesërme qytetarët do të mund t’i blejnë 165 lloje ilaçesh me çmime më të ulëta se deri tani, transmeton Telegrafi Maqedoni.

Sipas drejtoreshës së Agjencisë për ilaçe dhe pajisje mjekësore, Marija Darkovska-Serafimovska, shumica e ilaçeve në vazhdimësi ulen disa herë, por ka ilaçe që ulen në të gjitha nëntë fazat të rishikimit të çmimeve.

Në listën e ilaçeve që ulen për 15% bëjnë pjesë antibiotikët, pastaj ilaçet për trajtim të depresionit, si Mirzaten dhe velafaks. Gjithashtu, ka ulje te ilaçet spitalore si ato për trajtim të leukemisë kronike, ilaçet për kancer të vezores dhe qafës së mitrës, hormoneve për rritje, etj./Telegrafi/