Një 40-vjeçar nga Serbia, u mërzit nga vetmia. Prindërit e tij të moshuar donin trashëgimtarë, ndaj ai e merr një vendim për ta ndryshuar jetën: për t’u martuar. Por, Luba kishte një problem, pasi nuk gjente grua në Shumadi që do të jetonte në fshat. Kështu, iu drejtua Shqipërisë ku thuhet se shpenzoi 7000 mijë euro për të gjetur nusen.

“Kushëriri im Luba e gjeti një zonjë që gjoja i lidh shqiptaret me djemtë tanë nga fshati të cilët kanë frikë se do të mbesin vetëm. U detyrua Luba, sepse tonat nuk duan në fshat; ato më me qejf shesin rroba kineze për 150 euro në muaj, sepse mendojnë se janë zonja. Nejse, nuk o tash kjo me rëndësi. Por, t’i bie shkurt: ai shkon në Shqipëri”, thotë kushëriri i tij, për mediat e Serbisë, transmeton Telegrafi.

Luba u pajtua që për mblesës të japë mëditjen ditore prej 30 euro, 30 euro ndihmësit e shoferit, plus shpenzimet e udhëtimit. Atje takuan shqiptarët që duhej të gjenin femrën me vullnetin që të martohet në Serbi.