Policët Blerim Kuçi dhe Rafet Bytyçi, kanë bërë një vepër me të cilën tani po mburret i tërë qyteti i Suharekës.

Policët e njësitit të biçiklistëve, reaguan shpejt kur e panë një qytetar të dëshpëruar që kishte vendosur t’i japë fund jetës së tij.

Rasti ka ndodhur në mesditën e së premtes, ndërsa plaku Muhamet Bytyçi që kishte provuar ta vrasë veten, thotë se gjithçka ndodhi shumë shpejt.

Ky banor i Semetishtës, diçka të tillë, paraprakisht kishte provuar ta bënte edhe në oborrin e gjykatës, por aty ia pamundësuan rojet e objektit.

Ndërkohe, vazhdon të jetë i pakënaqur me një vendim të gjykatës lidhur me një kontest pronësor.