“Duke iu referuar situatës së fundit Policia e Kosovës ka ndërmarr masa shtesë me qëllim të ofrimit të sigurisë për qytetarët dhe parandalimit të incidenteve të mundshme në gjithë vendin”, citohet të ketë thënë për Klan Kosova, Baki Kelani.

Ndërsa në Lipjan, disa patrullime janë shpeshtuar në fshatin Kraishtë, Ribar i Madh, si dhe në gjithë Lipjanin.

“Me qëllim të parandalimit të sjelljeve të të dyshuarve që kryejnë ndonjë vepër të tillë penale Policia e Kosovës, është duke monitoruar çdo lëvizje edhe pse deri më tani Kosova, nuk ka ndonjë indikacion apo informacion konkret për ndonjë sulm të mundshëm terrorist në vend“, ka deklaruar zëdhënësi i Policisë.

Ndryshe, gjatë mëngjesit të sotëm, në Bruksel ndodhen tri shpërthime të mëdha, ku si pasojë e tyre deri më tani janë raportuar 34 persona të vdekur, e shumë të lënduar.