Kryetari i Komnës së Lipjanit Imri Ahmeti, në emisionin interatkiv në KTV ka thënë se Isa Mustafa, kryeministër i vendit është meritori dhe përgjegjësi për sukseset e për josukseset e mundshme të qeverisjes.

I ftuar në Interaktiv të KTV-së, Ahmeti ka folur edhe për zgjedhjen e Hashim Thaçit president.

“Duhet të mësohemi ta respektojmë. Nuk mundemi ta krijojmë një situatë kur individi del më i rëndësishëm se sa shumica. Argumentet kundër duhet të përdoren derisa të merret vendimi, i cili kur të merret nga partia duhet të respektohet”, tha Ahmeti.

Po ashtu ai ka folur edhe për rastin e vëllait të kryeministrit Isa Mustafa, me gazetarin e Insajderit  Vehbi Kajtazi, Ka thënë se nuk duhet marrë me këtë temë, meqë Kosova ka probleme më madhore.
“Nuk besoj që duhet të merremi me atë punë. Nuk është diçka që duhet të ndodhë. Nuk është në natyrën e LDK-së një gjë e tillë”, ka thënë ai.

Ahmeti ka folur edhe për rastin e mollotovit që është hedh në gjykatën themelore dega në Lipjan, duke thënë se nuk ka pasur ndonjë shkas që të ndodh kjo.