Lista Serbe ka dorëzuar ankesë në Gjykatën Kushtetuese të Kosovës kundër vendimit të Gjykatës Supreme, duke kundërshtuar ndarjen e një mandati të rezervuar për komunitetin serb, të fituar nga Nenad Rashiqi.
Në ankesë kërkohet që Gjykata Kushtetuese të sqarojë nëse qëllimi i mandateve të rezervuara respektohet kur zgjedhja e përfaqësuesve të komunitetit serb ndikohet nga votat e qytetarëve që nuk i përkasin këtij komuniteti.
Lista Serbe argumenton se mandatet e rezervuara janë garanci kushtetuese për përfaqësim autentik të komuniteteve dhe jo privilegje formale.
Më 7 korrik, Gjykata Supreme hodhi poshtë ankesën e Listës Serbe, e cila pretendonte se partia e Nenad Rashiqit e kishte siguruar mandatin e garantuar kryesisht falë votave të marra në komunat me shumicë shqiptare.
