Shumicën e kohës e kalon i vetëm,  në një dhomë. Ky 84 vjeçar nga Prizreni, i strehuar në barakë nga komuna e Prizrenit, ankohet se nuk e ka askënd për ta ndihmuar.

Për ushqim, e ka një vetëm një meny, në çdo racion, e në çdo ditë, njofton Klan Kosova.

Në këso rrethana, Rexhep Tanajt, që merr vetëm 75 euro pension bazik, i duhet të gjendet si mundet për të siguruar ngrohje.

Plaku, që jeton i vetmuar, nuk është pa fëmijë, por është i braktisur.

Krejt çka dëshiron ky i moshuar, është një dhomë më e përshtatshme se kjo që e ka.