Kryetari i Aleancës për Ardhmërinë e Kosovës, Ramush Haradinaj, e ka cilësuar si “goditje të egër të një pushteti të egër” dëbimin e Boiken Abazit nga Kosova në Shqipëri.

Në një postim në faqen e tij zyrtare në Facebook, ai po ashtu e ka quajtur dëbimin e Abazit si “kulm të absurdit të shtetit ligjor”.

Ky është postimi i plotë i Haradinajt në rrjetin social:

“E përjetuam edhe një goditje të egër të një pushteti të egër! Deportimin e një shtetasi shqiptar,(Bojken Abazi) nga Prishtina në Tiranë! Ai është përzënë nga Kosova, në kohën kur në këtë vend, me leje e pa leje, hyjnë e dalin dreqi e i biri! Ky është kulmi i absurdit të shtetit ligjor!

R H”