Policia e Kosovës vazhdon të sulmohet në detyrë nga persona të ndryshëm. Vetëm brenda njëzet e katër orëve janë sulmuar disa policë. Sipas KP rasti i parë ka ndodhur në Suharekë, kurse sulmi tjetër në Lipjan.
Njoftohet se , në fshatin Shirokë të Suharekës, është arrestuar i dyshuari pasi që i njëjti ka sulmuar patrullën policore. Dy zyrtaret policore-viktima, gjatë arrestimit kanë pësuar lëndime të lehta trupore dhe kanë pranuar tretmanin mjekësor. Me urdhër të prokurorit i dyshuari dërgohet në mbajtje.
Kurse, në Lipjan është arrestuar i dyshuari pasi që i njëjti kishte kanosur verbalist zyrtarët policor të cilët ishin duke i shqiptuar një gjobë për kundërvajtje ne trafik djalit të tij. I dyshuari me urdhër te prokurorit lirohet në procedurë të rregullt.