Ministrja në detyrë, Albulena Haxhiu ka reaguar në lidhje me rastin që ka ndodhur gjatë ditës së sotme në Prizren duke thënë se ky akt i tmerrshëm i dhunës në familje është i pa papranueshëm dhe përbën një krim që duhet dënuar maksimalisht.

“Me pikëllim të thellë morëm lajmin për ngjarjen e rëndë që ndodhi sot në Prizren, ku një shtetas turk me banim të përkohshëm në Republikën e Kosovës vrau vajzën e tij të mitur dhe plagosi rëndë vajzën tjetër 11-vjeçare. Ky akt i tmerrshëm i dhunës në familje është i papranueshëm dhe përbën një krim që duhet të dënohet maksimalisht. Në emrin tim personal dhe si Kordinatore Kombëtare për Mbrojtje nga Dhuna në Familje, shpreh ngushëllimet më të sinqerta familjes dhe solidarizohem me qytetarët që me të drejtë ndjejnë zemërim dhe trishtim përballë këtij akti kriminal. Uroj shërim të shpejtë për vajzën që po merr trajtim mjekësor dhe përkujdesje të vazhdueshme për të kaluar këtë traum të rëndë” shkruan ajo.

Ndër të tjerash Haxhiu thekson se dhuna në çdo formë të saj, është e patolerusheme.

“Dhuna, në çdo formë të saj është e patolerueshme. Fëmijët janë e ardhmja jonë dhe kanë të drejtën e patjetërsueshme të rriten sigurtë, të dashur dhe të mbrojtur dhe askush nuk ka të drejtë t’ua mohojë këtë të drejtë themelore”. LipjaniNews