Policia e trafikut Rajonal në Prishtinë, në bashkëpunim me Ministrinë e Infrastrukturës, Drejtorinë e Rrugëve, ka filluar zbatimin e një plani operativ me fokus kontrollin e mjeteve të rënda, kamionëve në rajonin e Prishtinës.
Sipas policisë ky plan synon të rrisë sigurinë në trafikun rrugor, të parandalojë aksidentet që përfshijnë mjete të rënda dhe të sigurojë repesktimin e kritereve ligjore dhe teknike që rregullojnë këtë kategori të automjeteve.
“Kontrollet po zhvillohen në pika të caktuara me rëndësi, ku po verifikohet gjendja teknike e mjetev, pesha e ngarkesës, dokumentacioni i nevojshëm si dhe respektimi i orarit të drejtimit nga ana e shoferëve” thuhet në njoftim.
Poashtu policia e Kosovës dhe Ministria e Infrastrukturës kërkojnë nga të gjithë pjesmarrësit në trafik të jenë të kujdesshëm, të respektojnë rregullat dhe të kontribuojnë në sigurinë e përgjithshme rrugore. LipjaniNews
