Këngëtarja e njohur Xhensila Myrtezaj ka ndarë me ndjekësit e saj në Instagram disa fotografi dhe video të veçanta nga prapaskenat e klipit të ri “Ma kthe”, në bashkëpunim me reperin Ledri Vula.

Projekti muzikor, i publikuar pak ditë më parë, është pritur mjaft mirë nga publiku dhe ka nisur të ngjitet në trendet muzikore.

Në mesin e pamjeve të ndara, vëmendje të madhe ka marrë një video nga skena e pishinës, ku Xhensila shfaqet me një veshje provokuese, duke vënë në pah format e saj trupore.

Me paraqitjen e saj, këngëtarja ka marrë komente të shumta pozitive nga fansat, të cilët e kanë komplimentuar për stilin dhe pamjen fizike.

Nuk është hera e parë që Xhensila vlerësohet për kujdesin ndaj trupit të saj. Ajo është e njohur për përkushtimin në ushqim të shëndetshëm dhe aktivitet fizik, gjë që e ka ndihmuar të jetë një ndër figurat më atraktive të skenës muzikore shqiptare.

Me këtë projekt, duket se dyshja Xhensila dhe Ledri kanë goditur sërish në shije të publikut, duke sjellë jo vetëm një këngë ritmike, por edhe një klip estetikisht të kuruar, që përfshin skena verore, ngjyra të gjalla dhe energji pozitive. /Telegrafi/