Thomas Vermaelen ka vendosur të largohet nga Arsenali dhe të bashkohet me Manchester United, pasi ka arritur marrëveshje verbale duke rënë dakord për kushtet personale, gjithnjë sipas Sunday Express.

Vermaelen kishte mbetur nën hijen e Laurent Koscielny dhe Per Mertesacker në sezonin e kaluar.

Po ashtu edhe trajneri Arsene Wenger para ca ditësh la të kuptohet që Vermaelen do të ketë të vështirë të gjejë një vend në formacionin bazë, ky i fundit ka vendosur të largohet këtë verë.

Sipas disa burimeve, Vermaelen dhe United kanë rënë dakord verbalisht për kushtet personale që janë rreth 120 mijë euro në javë.  /Telegrafi/