Presidenti në ardhje i Republikës së Kosovës, Hashim Thaçi, ka përkujtuar intelektualin dhe veprimtarin e madh shqiptar, Fan Stilian Nolin, në 51 vjetorin e vdekjes së tij.

“Sot është 51 vjetori i vdekjes së intelektualit të shquar, politikanit të njohur, ish kryeministrit të Shqipërisë, Fan Stilian Noli. Erudit, historian, poliglot, përkthyes dhe shqipërues i kryeveprave të letërsisë botërore, Fan Noli la gjurmë të thella në historinë dhe kulturën shqiptare duke dhënë kontribut në shumë fusha. Ai ishte themelues i Kishës autoqefale shqiptare dhe i përket brezit të intelektualëve të shquar shqiptarë me dije enciklopedike. HTH”, ka shkruar Thaçi në profilin e tij në Facebook.