Zëvendëspresidenti i Interit, Javier Zanetti, ka thënë se ata vazhdojnë të besojnë te trajneri Roberto Mancini.

Legjenda e Nerazzurrëve vazhdon të besojë se vendi i tretë është i arritshëm dhe shpreson që edhe Milan të përfundon sa më lartë në tabelë.

“Kemi kaluar në një periudhë jo të mirë, por e kemi kaluar. Vazhdojmë të besojmë te Mancini”.

“Ka edhe shumë ndeshje deri në fund dhe shpresojmë që të vazhdojmë me fitore, në mënyrë që të përfundojmë në vendin e tretë”.

“Shpresoj që edhe Milani të përfundojë sa më lartë pasi Interi dhe Milani janë klube që duhet të luajnë në kupat evropiane”, ka thënë Zanetti për GdS. /Telegrafi/