Kryeministri, Albin Kurti, në margjina të Forumit Ekonomik Botëror në Davos, ka takuar sot këshilltarin Federal të Zvicrës, Beat Jans.

I pari i qeverisë kosovare, shprehu fillimisht mirënjohjen për mbështetjen dhe përkrahjen e vazhdueshme të Zvicrës ndaj shtetit tonë, transmeton klankosova.tv.

Sipas njoftimit nga kryeministria, aty u bisedua për situatën e sigurisë në rajon, për sulmin terrorist e aktin e agresionit në Banjskë, për përpjekjet tona për integrimin e komunitetit serb dhe të drejtat e tyre politike pluraliste, demokratike dhe sociale.

Kryeministri e informoi këshilltarin Federal Jans mbi procesin e Vetingut dhe mbi Konfiskimin e Pasurisë së Pajustifikueshme.