Kryetari Imri Ahmeti ka ngushëlluar familjen Peqani me rastin e vdekjes së veprimtarit Ruzhdi Peqani.

TELEGRAM NGUSHËLLIMI FAMILJES PEQANI

Kryetari i Komunës së Lipjanit, z. Imri Ahmeti, ngushëllon familjen Peqani me rastin e vdekjes së veprimtarit Ruzhdi Peqani.
E nderuar familje Peqani,
Me pikëllim të thellë e morëm lajmin për ndarjen nga jeta të veprimtarit dhe intelektualit Ruzhdi Peqani.
Ruzhdi Peqani do të kujtohet si një njeri i mirë, si një inxhinier i metalurgjisë, si një ndër veprimtarët e hershëm e të zellshëm të çështjes kombëtare, që ne rrethanat e vështira të viteve 90-ta me angazhimin e tij i priu organizimeve politike në Lipjan e me gjerë. Ishte nder themeluesit e parë dhe kryetar i partisë së parë politike Lidhjes Demokratike në Lipjan.
Kontributi i tij në rrethana të vështira kur vendi ishte nën okupim Ruzhdiu mori guximin dhe përgjegjësinë për të udhëhequr me çështje kombëtare prandaj atë e bënë një nga emrat që do ta mbajë mend përgjithmonë historia jonë.

Me këtë rast bashkëndjejmë dhimbjen me familjarët, shokët, miqtë dhe të gjithë ata që e njohën.

Ngushëllime!