Real Madrid ka vendosur rekordin për totalin e kilometrave të përshkruara nga e gjithë skuadra gjatë një ndeshje të këtij sezoni, teksa të besuarit e Zinedine Zidane arritën kuotën e 111.825 kilometrave të vrapuar ndaj Romës.
Kjo kuotë ishte dukshëm më e lartë se rekordi i mëparshëm të vënë në ndeshjen e parë ndaj Romës me 109.027 kilometra.
Duket qartë motivimi që kanë Cristiano Ronaldo dhe shokët e tij në Ligën e Kampionëve, veprimtaria e vetme që i ka mbetur, duke parë 12 pikët e disvantazhit në La Liga.
Sipas të dhënave të publikuara nga UEFA, Real Madrid vrapoi për 111,825 kilometra, plot 5 mijë kilometra më shumë se mesatarja e skuadrës së drejtuar nga Rafa Benitez në fazën me grupe 106,686.
Në nivel individual, futbollisti që vrapoi më shumë në fushën e lojës ishte Diego Perotti i AS Roma me 12.903 kilometra të përshkruara, ndërsa Toni Kroos i Real Madrid bëri 12,086 kilometra.
Kurioz është fakti se futbollisti i tretë që vrapoi më shumë në mbrëmjen e “Bernabeu” ishte James Rodriguez. Autori i golit të dytë bëri 11.149 kilometra. /Telegrafi/
