Një nga tre personat që u plagosën mbrëmjen e kësaj të premte në lagjen “Lakërishtë” në Prishtinë, është në gjendje të rëndë shëndetësore.

Nga Klinika Emergjente e Qendrës Kilinike Universitare të Kosovës (QKUK), kanë konfirmuar për Telegrafin se dy të plagosurit tjerë janë në gjendje stabile.

“Njëri nga tre personat e plagosur është në gjendje të rëndë dhe po trajtohet në Emergjencë, ndërsa dy personat tjera janë në gjendje stabile dhe po trajtohen në Ortopedi”, ka thënë drejtori i kësaj klinike, Naser Syla.

Ndryshe, tre persona janë plagosur nga arma e zjarrit në lagjen “Lakrisht” në kryeqytet të premten në mbrëmje.

Zëdhënësja e Policisë së Kosovës për rajonin e Prishtinës, Florie Ahmeti, ka thënë për Telegrafin se rasti ka ndodhur rreth orës 19:00.

Dy të dyshuar, që janë identifikuar, janë në kërkim nga Policia. /Telegrafi/